Jesus het daarop gereageer: Ek verseker jou, as iemand nie van bo (opnuut)gebore word nie, kan Hy die Koninkryk van God nie sien nie.

Joh 3:3.

Briewe
Gedigte
Vra vir Val
Stemmings
Skrywersriglyne
Sosiale Netwerk
Gebeure & Konferensies
Kompetisies
Gratis Nuusbrief


11 Aug 2009  

Aansteeklik skaterlag sy – uit haar maag
laat geen donker wolke aan haar binneste knaag
Van laslappies het sy die mooiste rokkies gemaak
hemde en broeke – geen moeilike taak
Niks staan vir haar hande verkeerd,
koekbak, konfyt, inlê – al had ons dit nie baie breed
Brei, hekel, skilder, musiek maak en sing...
Ek hoor nog in my herhinneringe die lied –
“sing me the song that tells of Jesus” ...
Suiwer genotvolle klanke in duet aangebied
stemme wat saamsmelt – sal jou siel en ore kus.
 
'n Plan kon sy altyd maak,
in enige aksie, skoolwerk of saak.
Skemeraande op die gras –
n wawiel – skaterlag – heel uit haar kas.
Streng en soms sommer lekker kwaai
veral met die seuns se kattemaai
Vanaf kleintyd het sy ons alles geleer ...
kosmaak, naaldwerk – niks kon haar keer.
Ons was al groot en uit die huis
toe die lewe haar slaan met die vuis
“Vergewe en vergeet”, sing Nicolas Louw
haar humor, haar lag het sy steeds behou
Regte dame – grimering en naels gekleur
hare opgetof – opgemaak – gegeur
So kan ek my Ma onthou!
Volkome mens – volkome vrou
 
Nou in die gryse ouderdom
doen sy alles steeds andersom
Haartjies kleur sy speelse rooi,
altyd netjies – agtermekaar getooi.
Vol durf, moed en daad ...
na ‘n groot operasie haar liggaam skaad...
bly haar gees n heel ander saak.
Vol stories oor haar familie en verlede
reël sy uitstappies vir bejaardes vol pret in die hede
My Ma – ikoon in eie reg
ek gee hierdie ruiker aan u weg
terwyl u dit self nog kan hoor
en in u eie herhinneringe stoor
n Beter Ma was daar nie vir ons – gewis
Die spore wat u vir ons nalaat
Kan ons verseker elkeen by baat.

deur Cora du Plooy, Tsumeb, Namibië

Back

Tel: +27 (0)21 852 4061 Faks: +27 (0)21 852 5781 Epos: info@juig.co.za

Tuisblad | Oor ons | Nuutste Uitgawe | Vorige Uitgawes | Adverteer | Advertensiegids | Inteken | Gedigte | Briewe | Sosiale Netwerk | Stemmings | Kompetisies | Gebeure | Nuus | FAQs | Skakel Ons | Terme en Voorwaardes |
Privaatheidsbeleid

English? Click here for our sister publication