Hiermee wil ek graag my dank betuig vir wonderlike artikels in JUIG! Tydskrif. Ek het die artikels in die Augustus-uitgawe oor hoofregter Mogoeng Mogoeng en Riekert Botha asook die een oor René Snyman in die September-uitgawe uitsonderlik geniet! Julle tydskrif getuig van ware Christelike beginsels en ek wag elke maand met opgewondenheid om te sien wat julle vir ons kinders van die Here tot in ons huise bring! Ek is versot op lees en omdat ek ’n skilder is, wat spesifiek Christus se lig in my skilderye wil uitbeeld, was ek absoluut gaande oor René Snyman se werke! Ek het ’n paar dae lank daaroor gebroei en voor my Vader gaan pleit dat ek ook Sy lig so helder en opsigtelik deur my kunswerke sal kan laat skyn! Dra asseblief my vreugde aan haar oor! Lourieke Haller, baie dankie. Jy het ons tot binne-in haar en die ander bogenoemde persone se harte geneem. 

Mariaan Strydom (Nelspruit)