Voorspoedige Nuwe Jaar! In hierdie eerste uitgawe van 2020 wil ons elke leser bemoedig. Daarom het ons ’n hele paar positiewe getuienisse van lewens wat aangeraak is deur die Here se goedheid. Lees gerus Tanya Powell se getuienis oor haar stryd om swanger te word, die pragtige “Droogtelesse, ’n Boesmanlander se getuienis” waarin Madeleen Visser die lesse met ons deel oor God se goedheid te midde van die vreeslike droogte. Leer die man agter die kolf ken in JP Duminy se openhartige onderhoud met ons.
Ons takel die onderwerpe van werkloosheid en bankrotskap en hoe om God te midde van die uitdaging te vind en te vertrou. Daar is ook ’n artikel gewy aan ons desperate boere waarin Henry Jackson, die “Zim-boer”, hulle bemoedig. Ons verskaf ook inligting waar boere vir hulp kan aanklop of vir dié wat graag skenkings wil maak om sukkelende boere se nood te help verlig.
Al ooit gewonder hoekom God muskiete geskape het? Vind uit wat die antwoord is in ons Januarie-uitgawe wat 30 Desember op die rakke sal wees.
Ons sien uit na ’n geseënde en voorspoedige 2020 saam met al ons lesers. Lekker lees!

ARTIKELS IN HIERDIE UITGAWE:
- Soek Die Woord
- Waarom Het God Muskiete Gemaak?
- Bybelvasvra
- Blokkiesraai
- ’n Boodskap Aan Alle Desperate Boere
- Droogtelesse, ’n Boesmanlander Se Getuienis
- JP Duminy – Wanneer God Jou Roep
- Wanneer Die Wiegie Leeg Bly, ’n Getuienis Van Hoop: Tanya Powell
- Wat Moet Ons Reaksie Wees Op Christene Wat Christene Word
- Genade Onbeskryflik Groot: Benescke Janse Van Rensburg
- Roaring Truth
- Oorwin Die Draak – CfaN
- Karakters Van Die Bybel – Paulus
- Spreuke 13
- Inleiding Tot Die Sewe Kerke Van Openbaring
- Wat Sê Die Bybel Oor Geld Leen?
- Hoe Kan Ek God Vertrou As Ek Werkloosheid Of Bankrotskap In Die Gesig Staar?
- Christenskap In Die Werkplek
- Em’seni-Kamp
- Noorweë Se Donker Kant
- Wat Sê Die Bybel Oor Kinderregte?
- Hoop Te Midde Van Trauma – Geopende Deure
- Skenk ’n Bok Aan Christen-Vlugteling In Uganda – Barnabas Fund
- TWR
- Michael Cassidy & Die Verkiesing Van 1994 – African Enterprise
- ‘Jy Behoort En jy Is Geliefd’ – Sozo Stigting
- Vroue Van Geloof
- Vra Jou Vrae
- Woorde Van Wysheid
- Cholesterol Is Jou Vriend
- 6 Kampwegbreke Vir ’n Ongelooflike Paasnaweek
- GROOTfm 90.5 Se Gee- En Dankfees